အီလက်ထရွန်းနစ် မြို့ပြ ပန်းချီပြပွဲကျင်းပ
- ဇွန်ပန်းပွင့် | Thursday, 14 March 2013
အီလက်ထရွန်းနစ်မြို့ပြပန်းချီပြပွဲမှ၊ပန်းချီအောင်ကြည်စိုးရဲ့လက်ရာများ။
မြို့ပြမှာ ရုပ်ဝတ္ထုပစ္စည်းတွေ တိုးတက်လာပေမယ့် လူတွေရဲ့ စိတ်ပိုင်းဆိုင်ရာတွေ တိုးတက်မလာ
တာကို ခံစားရေးဆွဲထားတဲ့ ပန်းချီအောင်ကြည်စိုးရဲ့ အီလက်ထရွန်းနစ် မြို့ပြ ပန်းချီပြပွဲကို မတ်လ
၁၁ ရက်မှ ၁၆ ရက်နေ့အထိ လောကနတ်ပန်းချီပြခန်းမှာ ပြသနေပါတယ်။
"အီလက်ထရွန်းနစ်ပစ္စည်းတွေနဲ့ လူတော်တော်များများ မကင်းနိုင်ပါဘူး။ အနည်းဆုံး ဖုန်းတစ်လုံး
တော့ ရှိကြတာပဲ။ အီလက်ထရွန်းနစ်ကြောင့် ရုပ်ဝတ္ထု ပစ္စည်းတွေ တိုးတက်လာတယ်။ ရုပ်ဝတ္ထု
တွေ တိုးတက်လာတဲ့အလျောက် လူတွေရဲ့ အတွေးအခေါ် အယူအဆ စိတ်ယဉ်ကျေးမှုပိုင်းတွေမှာ
ရုပ်ဝတ္ထုနဲ့ အပြိုင်တိုးတက်မလာဘူး" လို့ ပန်းချီဆရာ အောင်ကြည်စိုးက ပြောပါတယ်။
မကွေးဇာတိသားဖြစ်ပြီး ရန်ကုန်မှာ ၁၀ နှစ်ကျော်ကြာ နေလာပေမယ့် မြို့ပြက သူ့အတွက်တော့
အခုထိ ထူးဆန်းနေတုန်းပဲလို့ ပြောပါတယ်။
"ပတ်ဝန်းကျင်ကလူတွေ၊ တိုးတက်လာတဲ့ နည်းပညာတွေနဲ့ ရုပ်ဝတ္ထုပစ္စည်းတွေ က ကျွန်တော့်
အတွက် ထူးဆန်းနေတယ်။ စိတ်ထဲက ဒီရုပ်ဝတ္ထုပစ္စည်းတွေအပေါ် အစွဲတွေကို ပန်းချီကင်းဗတ်
စပေါ်မှာ ဆွဲဖြစ်တာဖြစ်ပါတယ်" လို့သူကဆိုပါတယ်။
ပန်းချီဆရာ အောင်ကြည်စိုးရဲ့ ပထမဆုံး တစ်ကိုယ်တော်ပန်းချီပြပွဲဖြစ်တဲ့ အီလက်ထရွန်းနစ် မြို့ပြ
ပန်းချီပွဲမှာ ပန်းချီကား ၂၈ ကားကို ကြည့်ရှုရမှာ ဖြစ်ပါတယ်။
"ကျွန်တော် မြို့ပြမှာ ၁၀ နှစ်ကျော်နေပေမယ့် သူစိမ်းဆန်နေသေးတယ်။ မြို့ပြမှာ လောဘ၊ ဒေါသ၊
မောဟ တွေကို ပိုတွေ့ရတယ်။ နယ်မှာ အေးအေး ချမ်းချမ်းနေလာတဲ့ လူတစ်ယောက် အတွက်
မြို့ပြက သိပ်ပြီး သဟဇာတ မဖြစ်ပါဘူး။ နေ၊ ထိုင်၊ စားသောက်တာ ကအစ မွန်းကျပ်သလို ခံစား
ရပါတယ်" လို့ သူက ဆက်ပြောပါတယ်။
ဤအကြောင်းအရာနှင့် ပက်သက်၍ ထင်မြင်ချက်ပေးလိုပါက ...
[email protected] သို့ပေးပို့နိုင်ပါသည်။
အကြည့်အများဆုံး - လူမှုဘ၀ရသစုံလင်
- ဆုနှစ်ဆုနဲ့ အိမ်အပြန် မျက်နှာပန်းလှခဲ့တဲ့ မယ်မြန်မာ နန်းခင်ဇေယျာ
- ကမ္ဘာပျက်မယ့်ဘေးကို တားဆီး ပေးနိုင်ခဲ့တဲ့ ကုလသမဂ္ဂ အတွင်းရေးမှူးချုပ်ဟောင်း ဦးသန့်ရဲ့အကောင်းဆုံး စွမ်းဆောင်ချက်များ
- ၂၀၁၃ ခုနှစ်အတွက် တားရော့နိမိတ်ကတ် တစ်နှစ်စာ ဟောကိန်းများ
- ပရိသတ် ၇၀,၀၀၀ ကျော် လာရောက်အားပေးခဲ့တဲ့ ဂျေဆင်မရက်ဇ်ရဲ့ ဖျော်ဖြေပွဲ
- ဂျေဆင်မရက်ဇ်ရဲ့ ဂီတဖျော်ဖြေပွဲည
